O sábado 5 de xuño, ás 19:00 horas, partirá de San Domingos de Bonaval a comitiva que recreará a coroación do neno Alfonso Reimúndez como rei de Galicia polo bispo Diego Gelmírez, o 17 de setembro de 1111. Con estes feitos históricos como motivo, o grupo de actores de Dítea Teatro parará na praza da Inmaculada, na praza de Cervantes e no Toural para realizar varias representacións. Finalmente, recrearase a coroación na praza da Quíntana.

Máis de 50 actores e actrices darán vida a estas personaxes do século XII, pero a intención municipal é que os cidadáns se sumen a este vistoso percorrido, e mellor aínda se o fan debidamente caracterizados.

Ditea quere animar a todos os veciños e veciñas a participar do ambiente e das actividades desta celebración e, sobre todo, a unirse cos seus vestidos de época á representación histórica da coroación de Alfonso Reimúndez como rei de Galicia o sábado 5, a partir das 19:00 horas, polas rúas e prazas da Cidade Histórica. Para facilitar o labor dos cidadáns que queira participar nesta recreación medieval e así poder coordinar os vestiarios de época, a Asociación Compostela Vella puxo a disposición de todos os veciños un teléfono: 662 438 264. Esta entidade tamén está a animar aos veciños do casco histórico a que engalanen os seus balcóns para esta Feira. O Concello facilita adornos con este fin.

O DESFILE DE COROACIÓN

O acto é unha recreación da comitiva e séquito reais que cruzaron as rúas de Compostela o día 17 de setembro do ano 1111, co gallo de coroar Rei de Galicia o infante Afonso Raimúndez na catedral de Santiago.

A comitiva fórmana o rei neno Afonso Raimúndez, o bsito Diego Xelmírez, Pedro Froilaz, Conde de Traba e titor do Infante, varios grupos de nobres, así como o pobo de Santiago ataviado con roupaxes de época e máis músicos, bufóns, saltimbanquis, etc.

En determinados puntos a comitiva deterase para dar paso á figura de dúas parellas cómicas que lle contarán ao público as aventuras e desventuras en torno ao rei neno... para dar paso á representación deses feitos.

Primeira parada da comitiva: PRAZA DA INMACULADA
O pregoeiro e a vilá relatan os feitos que levaraon a que en Toledo, dona Urraca reuniso os nobres de Castela e León para lles anunciar a súa intención de ocupar o posto do seu pai Afonso VII de León.

Segunda parada da comitiva: PRAZA DE CERVANTES
O cabído e o bufón explican o conflito que provocou nos nobres galegos a decisión de dona Urraca e como mentres en Palencia dona Urraca casaba co rei de Aragón, en Galicia o Conde de Traba reunía os nobres fieis ao infante Raimúndez para proclamalo rei... e iso provocou a Batalla de Monterroso.

Terceira parada da comitiva: PRAZA DO TOURAL
O pregoeiro e a vilá contan como uns nobres traidores enganaron o bispo Xelmirez no castelo de Castro Miño para raptar o infante Raimúndez.

Cuarta parada da comitiva: PRAZA DA QUINTANA
O cabido e bufón dan paso á coroación de Afonso Raimúndez como rei de Galicia.

PERCORRIDO DO DESFILE
Xuntanza en San Domíngos e Bonaval > Porta do Camiño > Rúa das Casas Reais > Rúa da algalia de Arriba > Rúa de San Miguel dos Agros > Praza de San Miguel dos Agros > Rúa da Fonte de San Miguel > Rúa de Abril Ares e Campás de San Xoán > Praza da Inmaculada > Rúa da Acibechería > Praza de Cervantes > Rúa do Preguntoiro > Rúa da Calderería > Rúa das Orfas > Canton do Toural > Praza do Toural > Rúa Nova > Rúa da Conga > Praza da Quintana 

Triptico coa programación completa