O teatro principal acollerá entre os días 13 e 16 de decembro as catro representacións do IX Festival de Teatro Afeccionado Agustín Magan. A Concelleira de Cultura Socorro García, e o xerente do Auditorio, Paulo Rodríguez, presentaron o programa no que figuran as compañias Teatro de Cámara Ditea, coas obras Acto Imprevisto e Aquí cheira a morto: Asociación Teatral Paso de Valverde, con Drammático; NCC teatro, con Peza para dous actores, e Aturuxo de Melpomene, con Non todos os ladróns veñen por mal.